کراچی (نیوزڈیسک) جامعہ کراچی کے انسٹیٹوٹ آف اسپیس پلینٹری اینڈ اسٹروفزکس کے ڈائریکٹر پروفیسر ڈاکٹر محمد جاوید اقبال نے کہا ہے کہ مرکری سیارہ (آج ) پیر کو چند گھنٹوں کے لئے سورج کے پاس سے گزرے گا اور اس نایاب فلکیاتی منظر کو محفوظ طریقے سے دیکھنے کے لئے 9 مئی 2016 ءکو شام 4:10 پر انسٹیٹوٹ آف اسپیس اینڈ پلینٹری اسٹروفزکس میں انتظام کیا گیا ہے۔جاری اعلامیہ کے مطابق (آج) بروز پیر9 مئی 2016ءکو جزوی گزر شام 4:10 پر شروع ہوگی جبکہ مکمل گزر شام 4:15 پر شروع ہوگی۔ اس حوالے سے ماہرین علم نجوم بھی مختلف رائے رکھتے ہیں تاہم ابھی ان کا واضح موقف سامنے نہیں آیا ۔