لاہور ( این این آئی) اگر آپ چائے پینے کے شوقین ہیں تو اچھی خبر یہ ہے کہ یہ چائے کا مناسب استعمال آپ کے دانتوں کو خراب ہونے سے بچانے میں مددگار ثابت ہوتا ہے۔طبی تحقیق میں بتایا گیا ہے کہ چائے فلورائیڈ کے حصول کے لیے ایک قدرتی ذریعہ ہے جو دانتوں کی سطح کو مضبوط اور انہیں خراب ہونے سے بچاتا ہے۔ تحقیق کے مطابق دن بھر میں 4کپ بغیر دودھ کی چائے سے اتنا فلورائیڈ مل جاتا ہے جتنا دانتوں کی اچھی صحت کے لیے ضروری ہوتا ہے۔ محققین کا کہنا ہے کہ لوگوں کو دودھ کے بغیر چائے کی عادت بھی ڈالنی چاہئے کیونکہ اس سے دانتوں کے لیے مفید فلورائیڈ جسم کا حصہ بنتا ہے۔ دوسری جانب ان کا یہ بھی کہنا ہے کہ چائے کا حد سے زیادہ استعمال دانتوں اور ہڈیوں کے لیے نقصان دہ بھی ثابت ہوسکتا ہے کیونکہ زیادہ مقدار میں فلورائیڈ تباہ کن ثابت ہوتا ہے۔