برلن(نیوزڈیسک) طبی مقاصد کے لیے جرمنی میں پھر سے بَھنگ کی کاشت کی اجازت دینے کا فیصلہ کیا جا رہا ہے۔غیرملکی خبررساں ادارے کے مطابق اس سلسلے میں بدھ کو جرمن کابینہ وزیر صحت ہیرمن گروہے کی جانب سے پیش کردہ ایک قانونی مسودے کی منظوری دی گئی ۔ وزیر صحت کے مطابق حکومت چاہتی ہے کہ ایسے شدید بیمار مریضوں کے لیے بَھنگ بطور دوا کے اخراجات ہیلتھ انشورنس برداشت کرے، جن کی کسی اور طرح سے مدد نہ کی جا سکتی ہو۔ بتایا گیا ہے کہ جرمن حکومت نے بَھنگ کی کاشت کی عمومی اجازت دینے سے انکار کر دیا ہے۔