لاہور(نیوز ڈیسک ) انٹرنیٹ صارفین کیلئے بڑی خوشخبری! حکو مت نے 3 بڑے شہرو ں میں فری سروس کا اعلا ن کر دیا ۔حکومت پنجاب کی جانب سے صوبے کے تین بڑے شہروں میں جون کے پہلے ہفتے سے صوبے کے تین شہر وائی فا ئی سٹی بن جائیں گے۔ مفت انٹرنیٹ کی سہولت دینے کی تیاریاں جاری ہیں۔
لاہور،راول پنڈی اور ملتان کے انٹرنیٹ صارفین کے لئے خوشخبری ہے کہ ان تینوں شہروں میں لوگوں کواب فری وائی فائی ملے گا۔پنجاب انفارمیشن ٹیکنالوجی بورڈ عوامی مقامات پر لوگوں کو مفت انٹرنیٹ کی سہولت مہیا کرنے کےلئے تیار ہے ۔ پی آئی ٹی بی نے تینوں شہروں میں مفت وائی فائی کے لئے دوسو سے زائد عوامی مقامات کی نشاندہی کی ہے جن میں سے ایک سو پندرہ مقامات لاہور میں ہیں۔چیرمین پنجاب انفارمیشن ٹیکنالوجی بورڈ عمر سیف نے بتایاکہ جدید ٹیکنالوجی عوام کی ضرورت ہے،اس پراجیکٹ سے طلبہ کے لئے بہت سہولت ہوگی، عوامی مقامات پر مفت انٹر نیٹ کی سہولت جون کے مہینے سے دستیاب ہوگی۔مفت انٹرنیٹ ،پارکوں، اسپتالوں، اسکولوں،کالجوں، یونیورسٹیز، میٹرو اسٹیشنز، ریلوےاسٹیشنز،ائیرپورٹ اور بڑی مارکیٹوں میں دستیاب ہوگا۔ پنجاب حکومت کی اس سہولت کو شہریوں نے مثبت قدم قرار دیا ہے۔پنجاب انفارمیشن ٹیکنالوجی بورڈ کے مطابق اس پراجیکٹ کا دائرہ مرحلہ وار دوسرے شہروں تک پھیلایاجائے گا۔ صوبے کی تینوں بڑے شہروں میں 200سے زائدعوامی مقامات پر شہریوں کو مفت انٹرنیٹ کی سہولت میسر ہوگی ۔