کراچی(نیوز ڈیسک )شہر قائد میں ڈینگی وائرس تیزی سے پھیلنے لگا،مزید29کیسزسامنے آگئے۔جس کے بعد رواں سال شہر میں ڈینگی سے متاثرہ افراد کی تعداد380ہوگئی ہے ۔ ڈینگی پریوینشن اینڈ کنٹرول پروگرام سندھ کی جاری کردہ رپورٹ کے مطابق گزشتہ ہفتے شہر کے مختلف اسپتالوں کی او پی ڈیز میں20ایسے مریضوں کو لایا گیا جو ڈینگی سے متاثر تھے جبکہ9مریضوں کو ڈینگی کی شکایت پر مختلف اسپتالوں میں داخل کیا گیا ۔ رپورٹ کے مطابق رواں سال اب تک شہر میں ڈینگی سے کوئی ہلاکت نہیں ہوئی اور380کیسزرپورٹ ہوئے جبکہ سندھ کے دیگر اضلاع میں17کیسزرپورٹ ہوئے ہیں ۔ واضح رہے کہ گزشتہ سال شہر میں ڈینگی کے 3593جبکہ صوبے میں 3676کیسز سامنے آئے تھے اور ڈینگی سے 11ہلاکتیں بھی ہوئی تھیں۔