اسلام آباد (نیوز ڈیسک ) لوڈ شیڈنگ کے ستائے عوام کی اُمیدوں کا ایک اور دیا بجھ گیا، عالمی امدادی اداروں نے نیلم جہلم پن بجلی منصوبے کی فنڈنگ روک لی، منصوبے کی بروقت تکمیل خطرے میں پڑگئی۔
آزاد کشمیر میں زیر تعمیر 969 میگا واٹ کا نیلم جہلم پن بجلی منصوبے کے فنانشل کلوز نہ ہونے اور کام کی رفتار میں سُست روی کے باعث اسلامی ترقیاتی بینک اور سعودی فنڈ برائے ترقی نے فنڈز روک لئے، فنڈز کی بندش کے باعث منصوبے کی بروقت تکمیل ہوتی نظر نہیں آرہی۔
واپڈ کی ماہانہ رپورٹ میں انکشاف ہوا ہے کہ عالمی امدادی اداروں نے منصوبے کے حوالے سے نئی شرائط عائد کردی ہیں، شیڈول کے مطابق منصوبہ اگست 2017ء میں مکمل ہونا ہے لیکن گزشتہ 7 ماہ میں صرف ساڑھے 3 فیصد کام مکمل ہوسکا، منصوبے کا پی سی ون بھی 3 مرتبہ تبدیل کیا جاچکا ہے۔