اسلام آباد (نیوزڈیسک)معروف کمپنی ایچ ٹی سی نے اپنا نیا فلیگ شپ اسمارٹ فون ایچ ٹی سی 10 متعارف کرا دیا ہے اور توقع ظاہر کی ہے کہ وہ سام سنگ کے گلیکسی ایس 7، ایل جی کے جی فائیو اور آئی فون وغیرہ کے مقابلے میں کامیاب ہوسکے گا۔تائیوانی کمپنی کا دعویٰ ہے کہ یہ نیا اسمارٹ فون نئے میٹل ڈیزائن، بہتر کیمرے اور زیادہ اچھی کارکردگی کے ساتھ پیش کیا گیا ہے۔کمپنی کے بقول اس میں آپٹیکلی اسٹیبلائز، لارجر اپرچر f/1.8 لیسنز فرنٹ اور بیک دونوں کیمروں میں موجود ہیں جبکہ بڑے سنسر، 12 میگاپکسلز، لیزر آٹو فوکس (بیک کیمرے کے لیے)، وائیڈ اینگل لینس، اسکرین فلیش اور پانچ میگاپکسلز فرنٹ کیمرے کے لیے ہیں۔ایچ ٹی سی 10 کا کیمرہ 0.6 سیکنڈ میں کسی تصویر کو لے سکتا ہے۔اسی طرح یہ دنیا کا پہلا 24 بٹ ہائی ریزولوشن آڈیو ریکارڈنگ والا فون ہے جبکہ دیگر فونز کے مقابلے میں 256 گنا زیادہ تفصیلی ریکارڈنگ کرسکتا ہے۔5.2 انچ سپر ایل سی ڈی جو کواڈ ایچ ڈی ریزولوشن کے ساتھ ہے جبکہ فنگر پرنٹ سنسر، سنیپ ڈراگون 820 پروسیسر، 4 جی بی ریم، اینڈرائیڈ 6.0.1 مارش میلو، 3000 ایم اے ایچ بیٹری، یو ایس بی ٹائپ سی پورٹ اور 32 سے 64 جی بی اسٹوریج جیسے فیچرز بھی اس کا حصہ ہیں جبکہ مائیکرو ایس ڈی کارڈ کی بدولت اسٹوریج میں مزید اضافہ بھی کیا جاسکتا ہے۔اس کی قیمت 699 ڈالرز ہوگی اور اسے مئی کے شروع میں دنیا کے مختلف ممالک میں فروخت کے لیے پیش کیا جائے گا۔