نئی دہلی(نیوز ڈیسک )بھارتی قومی تحقیقاتی ادارے (این آئی اے) نے مولانا مسعود اظہر سمیت پٹھان کوٹ حملے کے تین دیگر مبینہ پاکستانی منصوبہ سازوں کے وارنٹ گرفتاری جاری کردیئے ۔بھارتی میڈیا کی رپورٹ کے مطابق این آئی اے کی طرف سے مسعود اظہر ، ان کے بھائی راؤف ، کاشف جان اور شاہد لطیف کے وارنٹ گرفتاری جاری کیے گئے ہیں اور وہ اب پٹھان کوٹ حملہ کیس میں باضابطہ طور پر مطلوب ہیں ۔ واضح رہے کہ بھارت حال ہی میں پٹھان کوٹ حملے کی تحقیقات کے سلسلے میں نئی دہلی کا دورہ کرنیوالی پاکستانی تحقیقاتی ٹیم کو شواہد فراہم کرنے میں ناکام رہا ہے۔