اسلام آباد(نیوزڈیسک)اگر آپ کو بھی یہ محسوس ہوتا ہے کہ آپ کے لبوں کا رنگ قدرے گہرا ہے اور آپ انہیں گلابی بنانا چاہتی ہیں تو مندرجہ ذیل باتوں پر توجہ دیں کیونکہ اس مسئلہ کا حل بآسانی ممکن ہے۔

٭ اکثر لوگوں کو عادت ہوتی ہے کہ وہ لبوں پر زبان پھیرتے رہتے ہیں۔ یاد رکھیں کہ اگرچہ ایسا ہونٹوں کو نم کرنے کیلئے کیا جاتا ہے لیکن اس سے ہونٹ اور زیادہ خشک ہوجاتے ہیں اور ان کا رنگ گہرا ہوتا جاتا ہے لہٰذا اس عادت کو بالکل ختم کردیں۔
٭ ہونٹوں سے گہری رنگت کی تہہ کو ہٹانے کیلئے روزانہ صبح ٹوتھ برش کو ان پر نرمی سے رگڑیں یا چینی، شہد اور زیتون کے تیل کا آمیزہ بنا کر ہونٹوں پر لگائیں اور پھر اچھی طرح دھو ڈالیں۔ ٭ کسی اچھی بام سے ہونٹوں کو نم رکھیں کیونکہ خشک ہونٹوں کا رنگ گہرا ہوجاتا ہے۔٭ سورج کی روشنی بھی ہونٹوں کی رنگت کو متاثر کرسکتی ہے۔ اس کیلئے ضروری ہے کہ SPF30 کی حامل سن بلاک ہونٹوں پر لگائیں۔٭ اگر قدرتی طریقوں سے ہونٹوں کی گہری رنگت ختم نہ ہو تو KTP لیزر سے یہ ممکن ہے، اس کیلئے ماہر جلد ڈاکٹر سے رابطہ کریں