واشنگٹن (نیوز ڈیسک )برطانوی وزیر اعظم ڈیوڈ کیمرون نے کہا ہے کہ پاکستان کا دشمن برطانیہ کا دشمن ہے ، پاکستان کے ساتھ دو طرفہ تعلقات کو مزید مضبوط کیے جائیں گے ۔واشنگٹن میں وزیر اعظم کے معاون خصوصی طارق فاطمی اور برطانوی وزیر اعظم ڈیوڈ کیمرون کی ملاقات ہوئی ۔اس دوران ڈیوڈ کیمرون نے سانحہ لاہور پر افسوس کرتے ہوئے متاثرین کے ساتھ یکجہتی اور پاکستان کے ساتھ دو طرفہ تعلقات کو مزید مضبوط کرنے کے عزم کا اظہار کیا۔ان کا کہنا تھا کہ دہشت گردی کے خلاف جنگ میں پاک فوج کی قربانیاں قابل تحسین ہیں۔اس موقع پرطارق فاطمی نے کہا پاکستان تمام ہمسائیہ ممالک سے اچھے تعلقات چاہتا ہے اور خطے میں استحکام کے لیے افغانستان میں امن ضروری ہے ۔