چھتیس گڑھ (نیو ز ڈیسک)بھارت کی وسطی ریاست چھتیس گڑھ میں ماؤ نوازوں کی طرف سے ایک بارودی سرنگ کے حملے میں بھارت کے کم از کم سات پیراملٹری فوجی ہلاک ہو گئے ہیں۔ عسکریت پسندوں نے بھارت کی پیراملٹری فورس CRPF کے اہلکاروں کو لے جانے والے ایک پِک اپ ٹرک کو داتن وادہ کے علاقے میں نشانہ بنایا۔ علاقائی پولیس سربراہ وجے پانڈے نے جرمن خبر رساں ادارے ڈی پی اے کو بتایا کہ دھماکا اس قدر شدید تھا کہ نہ صرف ٹرک کے پرخچے اْڑ گئے بلکہ زمین میں گہرا گڑھا بھی پڑ گیا۔ چھتیس گڑھ بھارت کی ان ریاستوں میں سے ایک ہے جو بائیں بازو سے تعلق رکھنے والے باغیوں سے متاثر ہے۔