دبئی(نیوز ڈیسک)متحدہ عرب امارات کے شہر عجمان میں ایک رہائشی ٹاور میں آگ لگ گئی ہے جس نے پوری عمارت کو اپنی لپیٹ میں لے لیا ۔امارات کے مقامی اخبار ‘خلیج ٹائمز’ کے مطابق عمارت میں موجود تمام افراد کو نکال لیا گیا ہے اور فائر فائٹرز اس آگ کو بجھانے کی کوشش کررہے ہیں۔ اس موقع پر فوری طور پر کسی جانی نقصان کی اطلاع موصول نہیں ہوئی ہے اور اس آگ کی وجہ بھی ابھی تک معلوم نہیں ہوسکی ہے۔انٹرنیٹ پر پوسٹ کی جانے والی ایک ویڈیو میں دیکھا جاسکتا ہے کہ دو درجن سے زائد منزلوں پر مشتمل اس عمارت سے جلتا ہوا ملبہ سڑک پر گررہا ہے۔