واشنگٹن (نیوز ڈیسک) وائٹ ہاؤس کے قریب فائرنگ کی متعدد اطلاعات۔ تفصیلات کے مطابق واشنگٹن میں یو ایس سٹیٹ کیپٹل میں فائرنگ کی آواز سنی گئی جس کے بعد وائٹ ہاؤس اور کانگریس کو بند کر دیا گیا اور واشنگٹن میں پولیس نے یہ اعلان کروا دیا ہے کہ نزدیکی علاقوں میں موجود سرکاری ملازمین اور لوگ محفوظ جگہوں پر منتقل ہو جائیں۔
واشنگٹن میں یو ایس کیپیٹل پر حملے کی اطلاعات، تفصیلات کے مطابق واشنگٹن میں یو ایس کیپٹل میں واقع وزیٹر سنٹر میں فائرنگ کی اطلاعات موصول ہوئی ہیں جس کے بعد واشنگٹن میں ہائی الرٹ ہوگیا ہے سیکورٹی اداروں کے اہلکار وں نے علاقے کو گھیرے میں لے لیا ہے جبکہ ،فائرنگ کے واقعہ میں متعدد افراد کے زخمی ہونے کا خدشہ ہے ،کیپیٹل کے ورکرز نے بتایا ہے کہ سیکورٹی وارننگ کی وجہ سے سٹاف ممبرز کو بذریعہ ای میل آگاہ کیاگیا ہے کہ وہ باہر نہ نکلیں اور نہ ہی کیپیٹل میں واقع کسی بلڈنگ کے اندر داخل ہونے کی کوشش کریں یہاں تک کہ اگر آپ گردونواح میں بھی کہیں موجود ہے تو محفوظ مقام پر چھپنے کی کوشش کریں ، اطلاعات کے مطابق فائرنگ کرنے والے کو پکڑ لیاگیا ہے جبکہ ایک پولیس آفیسر کے زخمی ہونے کی اطلاعات ہیں۔جبکہ واشنگٹن میں وائٹ ہاؤس اور کانگریس کو بند کردیاگیا ہے۔
یہ پہلا موقع نہیں ہے کہ کیپٹل بلڈنگ کو ٹارگٹ کیاگیا ہے گزشتہ مئی میں میموریل ڈے ویک اینڈ پر بھی بم سکواڈ نے پریشر ککر بم کار پارکنگ کے نزدیک برآمد کیا تھا ،واضح رہے کہ 2013 ءمیں بوسٹنگ میراتھن پر ہونے والے حملے میں بھی دو پریشر ککر بم استعمال کئے گئے تھے اس حملے میں تین افرادہلاک جبکہ 260 زخمی ہوئے تھے