لاہور(نیوزڈیسک)گلشن اقبال پارک میں دھماکے سے ایک ہی خاندان کے آٹھ افراد جاں بحق ہو گئے،دلخراش خبر ملنے پر گھر میں کہرام مچ گیا۔نجی نیوز چینل  کے مطابق گلشن اقبال پارک میں اپنے عزیزوں کے ہمراہ سیر کے لیے آئے ہوئے ایک ہی خاندان کے آٹھ افراد خود کش حملے میں جاں بحق ہو گئے۔جا ں بحق ہونے والوں میں چار کا تعلق لاہور جبکہ چار سانگھڑ سے تعلق رکھتے ہیں جن میں خواتین بھی شامل ہیں۔جاںبحق افراد کے ایک رشتے دارزبیر نے میڈ یا سے گفتگو کرتے ہوئے کہا کہ اس کے رشتے دار سانگھڑ سے آئے تھے جنہیں سیر کرانے کے لیے گلشن پارک لے کر آیا تھا۔ اس نے بتا یا کہ وہ اپنے عزیز وں سے تقریباً بیس سے پچیس فٹ دور گیا تھا جس کچھ دیر بعد دھماکہ ہو گیا،واپس آکر دیکھا توتمام رشتے دار دھماکے میں جاں بحق ہو گئے۔