واشنگٹن(مانیٹرنگ ڈیسک)95 سال پہلے لاپتہ ہونیوالے امریکی بحریہ کےجہاز کا معمہ حل ہوگیا۔یو ایس ایس کانسٹوگا ٹگ بوٹ 25مارچ 1921کو غائب ہو گئی تھی جو اب سان فرانسسکو سے مل گئی ہے ۔ اس بحری جہاز کی برآمدگی سے امریکی بحریہ کے بڑے پُراسرار معموں میں سے ایک معمہ اپنے انجام کو پہنچ گیا ہے ۔ ٹائمز آف انڈیا کی رپورٹ کے مطابق امریکی نیوی اور قومی سمندری ماحولیاتی ایڈمنسٹریشن نے اپنے ایک مشترکہ بیان میں بتایا ہے کہ یو ایس ایس کانسٹوگا ٹگ بوٹ 25مارچ 1921کو اسوقت لاپتہ ہو گئی جب وہ سان فرانسسکو سے ہوائی کے علاقے پرل ہیبرو کے لئے روانہ ہو ئی تھی اور یہ امن وقتوں میں بحریہ کا لاپتہ ہونے والا آخری جہاز تھا۔ اسسٹنٹ سیکرٹری کامرس برائے انویرومنٹیل آبزرویشن اینڈ پرڈکشن منسن براﺅن نے کہا ہے کہ ابتدائی طور پر جہاز کا ملبہ 2009ءمیں سان فرانسسکو کے فارال لون آئی لینڈ میں 189فٹ گہرائی میں ملنے کا پتہ چلا تھا ، 2015میں اس کی مزید واضح لوکیشن کی تصدیق ہوئی ۔ماہرین کاکہنا ہے کہ سمندری طوفان کے دوران ڈوب گیا تھا ۔ جہاز سے کسی انسان کی کوئی باقیات نہیں ملیں تاہم جہاز کے ملبے کو امریکی انتظامیہ نے اپنی تحویل میں لے لیا ہے ۔