کراچی (نیوز ڈیسک) قانون نافذ کرنے والے اداروں نے بلاول ہاؤس کے سابق سکیورٹی انچارج اکرم بلوچ کو دبئی سے گرفتار کر لیا، ملزم گینگ وار ملزمان کی سرپرستی، بھتہ خوری سمیت جوئے کے اڈوں سے بھی بھاری رقومات کی وصولی میں ملوث ہے۔تفصیلات کے مطابق قانون نافذ کرنے والے اداروں نے دبئی سے اکرم بلوچ کو حراست میں لے لیا ہے۔ ملزم اکرم بلوچ بلاول ہاؤس کراچی کا سابق سکیورٹی انچارج بھی رہ چکا ہے۔ ذرائع کے مطابق گرفتار ملزم اکرم بلوچ پر گینگ وار ملزمان کی سرپرستی کا الزام ہے جبکہ ملزم بھتہ خوری سمیت شہر میں جوئے کے اڈوں سے بھاری رقومات کی وصولی میں بھی ملوث رہا ہے۔ ذرائع کے مطابق گرفتار ملزم اکرم بلوچ کو ضروری قانونی کارروائی کے بعد جلد کراچی منتقل کیا جائے گا۔