لاہور(نیوز ڈیسک) پنجاب میں فورتھ شیڈول میں شامل افراد کی نگرانی کے لئے منگوائے گئے جی پی ایس بریسلٹ ناکارہ نکلے ،حکومت نے خریداری کےلئے نئی کمپنی سے بات چیت شروع کر دی ۔ یہ بات صوبائی وزیر قانون رانا ثنا اللہ خان نے پریس کانفرنس کے دوران بتائی ۔ وزیر قانون نے بتایا کہ فورتھ شیڈول میں شامل افراد کی نقل و حرکت کی نگرانی کے لیے انہیں پہنائے جانے والے جی پی ایس بریسلٹ کی بیٹریاں خراب ہیں جسکی وجہ سے وہ ناکارہ ہو چکے ہیں۔اچھے اور معیاری جی پی ایس بریلست کی خریداری کیلئے حکومت نئی کمپنی کے ساتھ معاہدہ کرنے جا رہی ہے۔