لاہور(نیوز ڈیسک)صوبائی وزیر قانون و پارلیمانی امور پنجاب رانا ثناء اللہ خاں نے صوبائی دارالحکومت لاہور میں تحفظ نسواں بل کے حوالے سے مختلف مکتبہ فکر سے تعلق رکھنے والے نامور علماء سے مشاورتی اجلاس سے خطاب کرتے ہوئے کہا کہ خواتین پر تشدد ایک بیماری ہے اور اسکا مکمل علاج مل جل کر کیا جائے گا۔ انہوں کہا کہ جن افراد کو اعتراض ہے کہ اس میں مذہب کیخلاف چیزیں ہیں تواس کے سلسلہ میں تحفظات کو دور کرنے کیلئے علماء سے مشاورت جاری ہے اور اب تک دو اجلاس کرچکے ہیں جس میں انتہائی کامیابی ملی ہے۔ لاہور میں طاہر محمود اشرفی و دیگر نامور علماء کرام کے ساتھ مشاورتی اجلاس کے موقع پر رانا ثناء اللہ خاں کا کہنا تھا کہ خواتین پر کسی قسم کا تشدد خود اسلام نے منع فرمایا ہے۔ مولانا طاہر اشرفی نے کہا کہ مرد کو گھر سے نکالنے اور گڑا پہننانے جیسے مسائل کا حل نکال لیا ہے اور جلد قانون سازی سے بہترین کی طرف جائیں گے تاہم موجود تحفظ نسواں بل میں خلاف مذہب کوئی شق نہیں۔