نیویارک (نیوز ڈیسک) تاریخ میں پہلی بار اقوام متحدہ میں یوم پاکستان کی تقریبات کا انعقاد کیا جا رہا ہے جس میں پاکستان کے معروف گلوکار راحت فتح علی خان بھی شرکت کریں گے اور ایک کنسرٹ کا اہتمام کیا گیا ہے ان کی شرکت کا مقصد پاکستان کی جانب سے عالمی دنیا کو امن و یکجہتی کا پیغام دینا ہے۔ اس موقع پر اقوام متحدہ میں پاکستان کی سفیر ڈاکٹر ملیحہ لودھی نے بتایا کہ یہ کنسرٹ دنیا میں پاکستان کے امیج کو بہتر بنانے میں مدد دے گا اور پاکستانی ثقافتی ورثہ متعارف کرانے کی ایک کوشش ہے۔