اسلام آباد (نیوز ڈیسک) سابق صدر مشرف کے بیرون ملک جانے کے بعد پارلیمنٹ ہاؤس کی لفٹس میں نصیحت آموز اشتہارات آویزاں۔ تفصیلات کے مطابق پارلیمنٹ کے مین گیٹ کی لفٹ سے سینیٹ اور قومی اسمبلی جانے والے تمام پارلیمنٹرین کو لفٹ کے اندر سفید کاغذ پر آویزاں نصیحت آموز پیغام میں مخاطب کیا گیا ہے کہ کبھی بھی مصیبت کے وقت بزدل سے مشورہ نہ کرو وہ آپ کے حوصلے کو مزید پست کردیں گے۔ یہ نصیحت پڑھنے کے بعد متعدد پارلیمنٹرین سر جھکا کر چلے جاتے ہیں جبکہ بعض ایک دوسرے کو معنی خیز نظروں سے دیکھتے ہوئے غیرت دلانے کی کوشش کرتے ہیں۔