لاہور(نیوز ڈیسک) لاہور ہائیکورٹ کے مسٹر جسٹس عائشہ اے ملک نے گلوکار ابرارالحق کو نارووال میں سہارا میڈیکل کالج کھولنے کی اجازت دیدی۔ عدالت نے پاکستان میڈیکل اینڈ ڈینٹل کالج کو ہدایت کی کہ رٹ گزار کی تحریری درخواست پر 8 روز میں فیصلہ کیا جائے اور رٹ گزار کو میڈیکل کالج کھولنے کی اجازت دی جائے۔ عدالت کے روبر و پی ایم ڈی سی نے اپنے تحریری جواب میں مخالفت نہ کی اور کہا کہ اگررٹ گزار میڈیکل کالج کھولنا چاہتا ہے تو انہیں کوئی اعتراض نہیں ہے تاہم اس کیلئے وہ قواعدو ضوابط پورے کرے۔ پٹیشن اعظم نذیر تارڈ ایڈووکیٹ کی وساطت سے دائر کی گئی تھی۔