پشاور (نیوز ڈیسک)پشاور کے علاقے حیات آباد میں نامعلوم افراد نے فائرنگ کرکے اہم اداراے کے سابق افسر کو قتل کر دیا۔ مقتول پاک فضائیہ کا سابق افسر اور نجی یونیورسٹی میں پڑھاتا تھا۔پولیس ذرائع کے مطابق ائرفورس کا سابق افسر لطیف الرحمان حیات اباد فیز 6 میں بھائی کے گھر سے نکلا تو نامعلوم موٹر سائیکل سواروں نے اندھا دھند فائرنگ کا نشانہ بنا ڈالا، واقعے کے بعد لطیف الرحمان کو فوری طور پر ہسپتال منتقل کر دیا گیا جہاں وہ جانبر نہ ہو سکے، پولیس کے مطابق مقتول پاک فضائیہ کا سابق ملازم تھا اور نجی یونیورسٹی میں پڑھاتا تھا، پولیس نے تفتیش شروع کر دی۔