کراچی (نیوز ڈیسک ) سندھ ہائیکورٹ میں منگل کو رینجرز کے اختیارات سے متعلق دائر درخواست کی سماعت کی ۔ دوران سماعت درخواست گزار نے موقف اختیار کیا کہ سندھ حکومت رینجرز اختیارات کو محدود کرنا چاہتی ہے ۔ عدالت رینجرز کو اختیارات دے ۔ دوران سماعت جسٹس نعمت اللہ نے ریمارکس دیئے کہ معاملہ سپریم کورٹ میں زیر سماعت ہے ۔ عدالت نے آئندہ سماعت پر رینجرز کے اختیارات سے متعلق وفاقی حکومت سے جواب طلب کر لیا ۔ عدالت کا کہنا تھا کہ وفاق بتائے کہ رینجرز کے اختیارات سے متعلق ان کی کیا رائے ہے ۔