اسلام آباد (نیوز ڈیسک) محکمہ موسمیات نے کہاہے کہ اگلے تین روز کے دوران ملک کے بیشتر علاقوں میں موسم خشک رہے گا تاہم بدھ کی شام اور رات کو بلوچستان کے علاقوں مکران، ژوب اور کوئٹہ ڈویژن میں چند مقامات پر تیز ہواﺅں اور گرج چمک کےساتھ بارش کا امکان ہے۔محکمہ موسمیات کے مطابق گزشتہ24 گھنٹوں کے دوران ملک کے بیشتر علاقوں میں موسم خشک رہاتاہم کشمیر، گلگت بلتستان، اسلام آباد، راولپنڈی، مالاکنڈ، ہزارہ اور کوہاٹ ڈویژن میں چند مقامات پر بارش ہوئی اتوار کو مری میں 16، اسلام آباد کے علاقوں سید پور میں13، زیرو پوائنٹ11 ، گولڑہ09 اوربوکرہ میں 03 ملی میٹر بارش ریکارڈ کی گئی ‘ لیہ میں 03، کالام اور بالاکوٹ10، میرکھانی05، چترال اور سیدو شریف 03، کاکول، کوہاٹ اور لوئر دیر 02، کوٹلی08، راولاکوٹ اور گڑھی دوپٹہ06، مظفر آباد 02، گوپس03، استوراور بگروٹ میں 01 ملی میٹر بارش ریکارڈ کی گئی ۔گزشتہ روز بارش کے علاوہ کالام میں 03 انچ برفباری بھی ریکارڈ کی گئی۔گزشتہ روز سب زیادہ درجہ حرارت شہید بینظیرآباد 39، مٹھی اور لسبیلہ38، چھور، میرپورخاص، حیدر آباد اور تربت میں 37 ڈگری سینٹی گریڈ ریکارڈ کیا گیا۔