اسلام آباد (نیوز ڈیسک) پاکستان نے ایٹمی مواد کے تحفظ کے ترمیمی کنونشن 2005کی توثیق کر دی ہے ۔صدر مملکت ممنون حسین نے وزیر اعظم کی ایڈوائس پرایٹمی مواد کے تحفظ سے متعلق معاہدے میں 2005کی ترمیم کی توثیق پر دستخط کئے ۔دفتر خارجہ کے مطابق 24فروری 2016ءکو وزیر اعظم نواز شریف کی زیر صدارت ہونے والے اجلاس میں نیشنل کمانڈ اتھارٹی نے ترمیمی کنونشن کی توثیق کی اصولی منظوری دی تھی ۔بیان کے مطابق ترمیم کی توثیق سے ایٹمی سلامتی کے حوالے سے پاکستانی مقصد کے عزم کا اظہار ہوتا ہے ۔