مردان(نیوز ڈیسک)مردان میں گھر کی چھت گرنے سے 4 افراد جاں بحق جبکہ 5 زخمی ہو گئے۔ پارہوتی کے علاقہ باکو میں ظاہر شاہ نامی شخص کی والدہ کی وفات پر گھر میں تعزیت کے لیے لوگ آئے ہوئے تھے کہ اچانک کمرے کی چھت گر گئی جس کے نتیجے میں 4 افراد جاں بحق اور 5 زخمی ہو گئے ، جاں بحق ہونے والوں میں 2 کمسن بچے یاسین اور طلحہ ، 50 سالہ لال فروش اور ایک خاتون شامل ہے۔ زخمیوں میں 4 خواتین اور ایک مرد شامل ہے۔ واقعہ کی اطلاع ملنے پر ریسکیو ٹیمیں موقع پر پہنچ گئیں۔ زخمیوں اور جاں بحق افراد کو ڈی ایچ کیو ہسپتال منتقل کر دیا گیا۔