قصور( نیوزڈیسک )قصور کے قصبے کنگن پورمیں نوبیاہتا جوڑے کی پراسرار ہلاکت سے شہنائیوں والے گھر میں کہرام مچ گیا،پولیس نے مختلف پہلوﺅں پرتفتیش کر دی ۔پولیس کے مطابق دلہا دلہن کی پراسرارہلاکت کا واقعہ موضع معرفنگ والا میں پیش آیا۔اہل خانہ نے بتایاکہ غلام حیدر اور اللہ معافی کی شادی ہفتہ 19مارچ کو ہی ہوئی تھی، دلہا دلہن شادی کی پہلی رات سوئے۔ صبح جب میاںبیوی کے باہر نہ آنے پر دروازہ توڑ کر دیکھا تو دونوں مردہ حالت میں پائے گئے۔پولیس نے لاشیں پوسٹ مارٹم کےلئے بھجوا کر مختلف پہلوﺅں پرتفتیش شروع کر دی ہے۔شبہ ظاہر کیا جا رہا ہے کہ دونوں کی ہلاکت زہرخورانی سے ہوئی ۔