سرینگر(نیوزڈیسک) مقبوضہ کشمیر میں بھارتی پیراملٹری سینٹرل ریزرو پولیس فورس کے ڈائریکٹر جنرل کے۔ درگا پرساد نے کہا ہے کہ کشمیری نوجوانوں کا مجاہدین میں شامل ہونا ان کے لیے تشویش کا باعث ہے۔میڈیارپورٹ کے مطابق درگا پرساد نے سرینگر میں آرٹی سی ہمہامہ میں نئے بھرتی ہونے والے اہلکاروں کی پاسنگ آؤٹ پریڈ کے موقع پر صحافیوں سے باتیں کرتے ہوئے کہا کہ انہیں اطلاع ہے کہ کشمیری نوجوان مجاہدین میں شامل ہورہے ہیں جو ان کے لیے باعث تشویش ہے۔انہوں نے کہاہے کہ نوجوانوں کو بندوق اٹھانے کیلئے آمادہ کرنے کی عسکریت پسندوں کی حکمت عملی کا توڑ کرنے کیلئے کوششیں کی جارہی ہیں تاکہ انہیں واپس لایا جائے۔