کوئٹہ (نیوز ڈیسک) ایف سی اور حساس ادارے کی پنجگور کے علاقے میں کارروائی ،کالعدم تنظیم کا کمانڈر گرفتار قبضے سے اسلحہ برآمد ۔ تفصیلات کے مطابق ہفتے کو ایف سی اور حساس ادارے نے پنجگور کے علاقے کے ایک گھر میں کارروائی کرتے ہوئے کالعدم تنظیم کے کمانڈر کو گرفتار کرلیا اور اس کے قبضے سے پانچ عدد ایس ایم جی تین عدد رائفل اور معتدد راؤنڈز برآمدکرلئے گرفتار شرپسند کمانڈر ٹارگٹ کلنگ ، بھتہ خوری اغواء برائے تاوان فورسز پر حملوں سمیت دیگر تخریبی کارروائیوں میں ملوث تھا ۔ ایک اور کارروائی میں ایف سی اور حساس ادارے نے ضلع نصیر آباد کے علاقے میں سرچ آپریشن کر کے 13مشتبہ افراد کو گرفتار اور اسلحہ برآمد کر لیا۔ تفصیلات کے مطابق ہفتے کو ایف سی اور حساس ادارے نے نصیر آباد کے علاقے چھتر اور گرد نواں میں کالعدم تنظیم کے شر پسندوں کے خلاف سرچ آپریشن کیا دوران آپریشن تنظیم سے تعلق کے شبہ میں13مشتبہ افراد کو اسلحہ سمیت گرفتار کرلیا دوران کارروائی شرپسندوں کے تین ٹھکانوں مسمار کردیا ۔