واشنگٹن(نیوز ڈیسک)امریکہ کی فوجی تاریخ میں پہلی مرتبہ ایک خاتون جنرل لوری رابنسن کو جنگی کمانڈ کی سربراہی کے لیے نامزد کیا گیا ہے۔امریکی وزیر دفاع ایش کارٹر نے اعلان کیا کہ جنرل لوری رابنسن کو امریکی فوج کی ناردرن کمانڈ کی سربراہی کےلئے نامزد کیا گیا ہے،اس عہدے کا شمار امریکی فوج کے اعلیٰ ترین عہدوں میں ہوتا ہے, اس عہدے کی سینیٹ سے توثیق ضروری ہے۔جنرل لوری رابنسن پیسیفک ایئر فورسز کی کمانڈر ہیں اور انھوں نے 1982 میں امریکی فضائیہ میں شمولیت اختیار کی تھی، امریکی دارالحکومت واشنگٹن میں ایک تقریب کے دوران ایش کارٹر کا کہنا تھا کہ جنرل رابنسن، اول ترین خاتون جنگی کمانڈر بھی بن سکتی ہیں۔