اسلام آباد(نیو زڈیسک) امریکہ کا کہنا ہے کہ دولت اسلامیہ کہلانے والی شدت پسند تنظیم یزیدیوں، عیسائیوں اور شعبہ مسلمانوں کی نسل کشی کی مرتکب ہوئی ہے امریکی وزیر خارجہ جا ن کیری نے کہا کہ داعش نے خود نسل کشی کا دعویٰ کیا یہ تنظیم شام اور عراق کے علاقوں میں انسانیت کے خلاف جرائم اور نسل کشی کی ذمہ دار ہے۔جان کیری نے کہا دولت سلامیہ نے سینکڑوں مردوں اور لڑکیوں کو ہلاک کیا اور ہزاروں خواتین کو اغواء کیا گیا۔ دریں اثناء وائٹ ہاؤس نے بیان میں کہا کہ داعش کی طرف سے نسل کشی کے معاملے کی بین الاقوامی فوجی عدالت کی طرف سے تحقیقات کی حمایت کرتے ہیں۔