لاہور(نیوزڈیسک) سپیشل جج کسٹم نے منی لانڈرنگ کیس کا فیصلہ سناتے ہوئے خاتون کو پانچ سال قید اور 13کروڑ روپے جرمانے کی سزا سنا دی ۔ گزشتہ روز سپیشل جج کسٹم امیر محمد خان نے کیس کی سماعت کی ۔ کسٹم پولیس نے ایک سال قبل کینٹ کی رہائشی راحت شہزادی کو 14کروڑ روپے کی کرنسی غیر قانونی طور پر دبئی منتقل کرنے کے الزا م میں گرفتار کر چالان عدالت میں جمع کر ارکھا تھا ۔ سپیشل جج کسٹم نے گزشتہ روز فیصلہ سناتے ہوئے ملزمہ کو پانچ سال قید اور 13کروڑ روپے جرمانے کی سزا سنائی ۔ جرمانے کی عدم ادائیگی کی صورت میں مزید چھ ماہ قید بھگتنا ہو گی ۔ واضح رہے کہ معروف ماڈل ایان علی پر عرصہ درازسے منی لانڈرنگ کا ہی کیس چل رہا ہے تاہم مختلف وجوہات کی بناءپرفیصلہ ابھی تک نہیںہوپایا۔