کراچی (نیوزڈیسک)گورنر سندھ کی مصطفی کمال کی پارٹی میں شمولیت،انیس قائم خانی بھی عشرت العباد کی زبان بول پڑے،ان ہی کے انداز میں متحدہ قومی موومنٹ کے منحرف رہنما انیس قائم خانی نے کہا ہے کہ گورنر سندھ اگر ساتھ ہوتے تو وہ ہمارے آگے پیچھے نہیں بلکہ ہمارے ساتھ ہوتے ۔ہر مرتبہ پریس کانفرنس کا یہ مطلب نہیں ہے کہ ہم کوئی وکٹ گرائیں گے ۔جمعہ کو ڈیفنس میں میڈیا سے گفتگو کرتے ہوئے انیس قائم خانی نے کہا کہ ہم پریس کانفرنس میں عوامی مسائل پر بھی گفتگو کریں گے اور سیاسی وکٹیں بھی گرائیں گے ۔انہوںنے کہا کہ اگلے ہفتے حیدر آباد جارہا ہوں جہاں پارٹی آفس تیار کرلیا گیا ہے ۔اپریل کے وسط میں کراچی میں جلسہ کریں گے اور جلد ہی پورے پاکستان کا دورہ بھی کریں گے ۔انہوںنے سندھ زبان میں گفتگو کرتے ہوئے کہا کہ میں سندھی زبان بولنے والوں کو بھی دعوت دیتا ہوںکہ وہ ہمارے قافلے میں شامل ہوں ۔