کراچی (نیوز ڈیسک) متحدہ قومی موومنٹ کے سابق رہنما نبیل گبول کو قانون نافذ کرنے والے اداروںنے جمعرات کو پوچھ گچھ کے لئے طلب کیا ہے۔ ذرائع کے مطابق ان سے 6 گھنٹے تک پوچھ گچھ کی گئی ہے۔ ذرائع کے مطابق نبیل گبول سے لیاری گینگ وار کے متعلق معلومات لی گئیں جبکہ لیاری گینگ وار کے سرغنہ بابا لاڈلہ اور غفار ذکری کے حوالے سے بھی پوچھ گچھ کی گئی اور مکمل معلومات لی گئی۔ ذرائع کے مطابق قانون نافذ کرنے والے اداروں کی جانب سے نبیل گبول کو دوبارہ طلب کئے جانے کا بھی کہا گیا ہے۔