پشاور (نیوز ڈیسک) خیبر پختونخوا حکومت نے صوبے میں پانی سے بجلی کی پیداوار کے 6 منصوبے لگانے کا فیصلہ کیا ہے ، پراجیکٹ سے مجموعی طور 518 میگاواٹ پاور حاصل کی جاسے گی۔ خیبر پختون خوا حکومت ذرائع کے مطابق پانی سے سستی بجلی کے حصول کے لیے ہائیڈرو پاور کے منصوبے لگانے کی خاطر غیر ملکی کمپنیوں کو دعوت دی جائے گی۔ پاور سیکٹر کے ان منصوبوں کی تکمیل کےلئے سرمایا کاروں سے ٹینڈر کے زریعے پیشکشیں وصول کی جائیں گی ۔ مقامی خام تیل کی پیداوار میں صوبہ خیبر پختون خوا کا حصہ سب سے بڑا ہے اور پانی سے بجلی کی پیداوار کے پراجیکٹس کےلئے بھی کے پی کے میں کافی مواقع موجود ہیں۔ ملک بھر میں 35 فیصد بجلی پانی کے زریعے پیدا کی جاتی ہے۔