کراچی: متحدہ قومی موومنٹ (ایم کیو ایم) کے محمود آباد سیکٹر کے انچارج رفیق راجپوت کو مبینہ طور پر رینجرز نے حراست میں لیا ہے۔

ایم کیو ایم کی رابطہ کمیٹی کی جانب سے جاری کے گئے بیان میں کہا گیا ہے کہ رینجرز اور قانون نافذ کرنے والے اداروں کے اہلکاروں نے رات کو 3 بجے رفیق راجپوت کے گھر پر چھاپہ مارا اور ان کو حراست میں لے لیا۔

ایم کیو ایم نے الزام عائد کیا کہ بعض اہکار سادہ کپڑوں میں ملبوس تھے۔

رابطہ کمیٹی کے بیان میں مزید کہاگیا ہےکہ ایم کیو ایم محمود آباد سیکٹر کے انچارج کو حراست میں لیے جانے کےبعد نامعلوم مقام پر منتقل کیا گیا جن کے حوالے سے مزید کچھ نہیں بتایا جا رہا۔

ایم کیو ایم کی رابطہ کمیٹی نے اعلی حکام سے اپنے عہدیدار کی رہائی کا مطالبہ کیا۔