نئی دہلی(نیوزڈیسک) پاکستانی ہائی کمیشن کے 34 حکام نے ٹی 20 کے 4 میچز دیکھنے کی اجازت مانگی 10 حکام کو خاندان کے ساتھ میچز دیکھنے کی اجازت ملی، سرکاری ذرائع نے بتایا کہ 19 حکام کو اجازت دینے کی بھارتی خبر گمراہ کن ہے۔نجی ٹی وی نے سر کاری ذرائع کے حوالے سے بتایا کہ 4 میں سے 2 میچز کلکتہ اور 2 موہالی میں دیکھنے کی اجازت مانگی گئی تھی ، بھارتی حکومت نے پاکستانی ہائی کمیشن کے 34 میں سے 10 حکام کو بمعہ خاندان چاروں میچز دیکھنے کی اجازت دےدی۔ذرائع نے بتایا کہ دہلی میں پاکستانی ہائی کمشنر کو چاروں میچز دیکھنے کی اجازت دی گئی ہے ، ڈیفنس ایڈوائزر، پریس اتاشی، پولیٹیکل قونصلر، نیول ایڈوائزر اور ایئر فورس ایڈوائزر کوٹی 20 میچز دیکھنے کی اجازت نہیں دی گئی۔سرکاری ذرائع کا کہنا ہے کہ بھارت ورلڈ کپ کی میزبانی کرنے کے باوجود ہائی کمیشن کے عملے کو میچز دیکھنے کی اجازت نہیں دے رہا، پاکستان نے کبھی ٹی 20 میچز کی میزبانی نہیں کی اس لیے ایک شہر سے دوسرے شہر جانے کے معاملے پر برابری کا سوال ہی پیدا نہیں ہوتا، بھارت کی جانب سے 19 حکام کو اجازت دینے کی خبر گمراہ کن ہے۔