اسلام آباد(نیوز ڈیسک) لبنان میں 6 سو سے زائد پاکستانی کارکنوں کو پولیس نے حراست میں لے لیا ۔میڈیا رپورٹ کے مطابق یہ پاکستانی کارکن تعمیراتی فرم میں کراچی سے بھرتی ہو گئے۔ ان پاکستانیوں کے ایک نمائندے عمران قریشی نے بیروت سے فون پر بتایا کہ انہیں کراچی کی ایک ریکروٹنگ کمپنی نیازی اینڈ کو بھرتی کیا تھا اور انہیں ان مراعات کے لئے بھیجا تھا وہ یہاں فراہم نہیں کی جا رہی جس پر پاکستانی کارکنوں نے کام کرنے سے انکار کر دیا اور احتجاج کیا۔ اس کے بعد پولیس نے انہیں حراست میں لے لیا۔ عمران قریشی کے مطابق یہاں کارکنوں کے کیمپ میں کشیدگی پائی جاتی ہے ، ان کارکنوں نے وزیراعظم پاکستان سے اپیل کی کہ وہ انہیں اس ازیت ناک صورتحال سے نکالنے کے لئے مداخلت کریں۔