اسلام آباد (نیوزڈیسک)پاکستان کی سری لنکا کو بڑی پیشکش،بھارت میں کھلبلی مچ گئی،پاکستان اور سری لنکا نے دفاعی تعاون بڑھانے پر اتفاق کیا ہے جبکہ پاکستان نے پاکستان نے سری لنکا کو مستقل دفاعی تعاون کی پیشکش کرتے ہوئے بھاری دفاعی سازو سامان کی خریداری میں حائل مالیاتی مشکلات کے حل کے لیے تجاویز دیں۔منگل کو وفاقی وزیر دفاعی پیدوار رانا تنویر حسین اور سری لنکن ہائی کمشنر میجر جنرل(ر)جے ناتھ لوکوکی تاگو داگی کے درمیان وزارت دفاعی پیدوار راولپنڈی میں ملاقات ہوئی جس میں باہمی دلچسپی کے امور ‘دفاعی پیدوار کے امور پر تبادلہ خیال ہوا ۔اس موقع پر وفاقی وزیر برائے دفاعی پیدوار رانا تنویر حسین نے کہا کہ پاکستان نے سری لنکا کو مستقل دفاعی تعاون کی پیشکش کی ہوئی ہے ‘بہترین ہائی ٹیک دفاعی سازو سامان سپلائی کرنے والا ملک ہونے کی حیثیت سے پاکستان سری لنکا میں انسداد دہشت گردی کے لیے اہم کردار ادا کر سکتا ہے ۔وفاقی وزیر دفاعی پیدوار رانا تنویر نے سری لنکا کو بھاری دفاعی سازو سامان کی خریداری میں حائل مالیاتی مشکلات کے حل کے لیے تجاویز بھی دیں ۔سری لنکا کے ہائی کمشنر میجر جنرل (ر) جے ناتھ لوکوکی تاگو داگی سری لنکا پر عائد عارضی تجارتی بندشوں کے بارے میں بھی وفاقی وزیر دفاعی پیدوار کو آگا ہ کیا ۔واضح رہے کہ اس سے قبل بھی خطے کا چودھری بننے کی خواہش میں بھارت اوچھے ہتھکنڈوں پر اتر آیا اور اسے پاک سری لنکا تعلقات کی بہتری بھی کھٹکنے لگی۔ سری لنکا نے طیارے خریدنے میں دلچسپی ظاہر کی جس پر جے ایف 17 تھنڈر طیاروں سے لرزاں بھارت تِلملا اٹھا۔ سری لنکا کو دھمکانے پر اتر آیا۔ ذرائع کے مطابق بھارت نے سری لنکا کو کہا ہے کہ جے ایف 17 تھنڈر کی خریداری تعلقات خراب کر سکتی ہے۔ بھارت نے کہا ہے فائٹر طیارے خریدے تو سری لنکا کو 400 ملین ڈالرز کی امداد سے بھی نہیں ملے گی ۔