کراچی (نیوزڈیسک) سندھ رینجرز نے ایم کیو ایم کے تین رہنماﺅں کو رینجرز ہیڈ کوارٹر طلب کر لیا اور ان سے چھ گھنٹے تک پوچھ گچھ کی گئی۔ تفصیلات کے مطابق ایم کیو ایم کے رکن قومی اسمبلی کنور نوید جمیل سے رینجرز نے مختلف امور پر تفتیش کی۔ ذرائع کا کہنا ہے کہ کراچی میں امن و امان کی صورتحال پر رکن قومی اسمبلی کنور نوید جمیل کو رینجرز ہیڈ کوارٹرز طلب کیا گیا ہے۔ذرائع کے مطابق کنور نوید جمیل سے پارٹی امور، امن وامان ، عسکری ونگ اور دیگر معاملات پوچھ گچھ کی گئی۔ دوسری جانب کامران اختر اور کامران فاروقی سے بھی رینجرز نے مختلف حوالوں سے پوچھ گچھ کی اور انکی سرگرمیوں کے بارے میں رینجرز کو پیشگی آگاہ کرنے کی ہدایت کی۔