کراچی(نیوزڈیسک) ایم کیو ایم میں کھلبلی مچ گئی،کئی اہم رہنماﺅں کا اچانک حیرت انگیز ردعمل،متحدہ قومی مومنٹ کے کئی اہم رہنما اچانک بیرون ممالک کے لئے روانہ ہو گئے۔نجی ٹی وی کے مطابق ایم کیو ایم کی سینیٹر خوش بخت شجاعت، سندھ اسمبلی میں ڈپٹی پارلیمانی لیڈر فیصل سبزواری اور ممبر صوبائی اسمبلی ارتضیٰ فاروقی امریکا کے دورے پر روانہ ہو گئے۔ ایم کیو ایم کے ممبر قومی اسمبلی حیدر عباس رضوی کینیڈا کے دورے پر روانہ ہو گئے جب کہ سندھ اسمبلی میں اپوریشن رہنما خواجہ اظہار الحسن دبئی چلے گئے۔واضح رہے کہ 3 مارچ کو سابق سٹی ناظم مصطفیٰ کمال کی جانب سے اپنی علیحدہ جماعت بنانے کے اعلان کے بعد سے اب تک ایم کیو ایم کے کئی اہم رہنما ان کے قافلے میں شامل ہو چکے ہیں۔