لاہور(نیو زڈیسک) پاکستان تحریک انصاف میں پارٹی کی سطح پر انتخابات اپریل2016میں متوقع ہیں بتایا گیا ہے کہ ان انتخابات میں پاکستان حریک انصاف کے دو گروپ ” یونٹی گروپ اور نظریاتی گروپ“ ایک دوسرے کے مدمقابل الیکشن لڑینگے۔ نظریاتی گروپ کو پاکستان تحریک انصاف کے سینئر رہنما جہانگیر ترین کی حمایت حاصل ہے جبکہ یونٹی گروپ کے امیدوار سابق گورنر پنجاب چوہدری سرور ہیں۔ دونوں گروپوں نے اپنی اپنی انتخابی مہم تیز کردی ہے اس سلسلے میں چوہدری سرور نے انتخابی مہم کے حوالے سے مخصوص شرٹیں تیار کروانا شروع کردی ہیں ۔واضح رہے کہ ان انتخابات میں پاکستان تحریک انصاف کے سربراہ عمران خان غیر جابندار نظر آرہے ہیں۔