لاہور (نیوزڈیسک)نئے عام انتخابات کی گھنٹی،حکمران جماعت نے اراکین قومی و صوبائی اسمبلی کو اہم ہدایات جاری کردیں،پاکستا ن مسلم لیگ (ن) کی قیادت نے آئندہ انتخابات کے تنناظر میں اورعوام میں مسلم لیگ ن کا امیج مزید بہتر بنانے کے لئے اراکین قو می و صوبائی اسمبلی کو اپنے انتخابی حلقوں میں زیادہ سے زیادہ وقت گزارنے کے احکامات جاری کر دئیے ،کارکنوں اور عوام سے رابطے بڑھانے اور دیرینہ مسائل حل کرانے کےلئے بھی اقدامات کی ہدایات جاری کر دی گئیں۔ ذرائع کے مطابق مسلم لیگ (ن) کی قیادت نے عوام اور کارکنوں کی طرف سے منتخب اراکین اسمبلی کی طرف سے حلقہ انتخاب کادورے نہ کرنے کی شکایات کا ازالہ کرنے کے لئے ہدایات دی ہیں کہ تمام اراکین قومی وصوبائی اسمبلی اپنے حلقہ انتخاب پر بھرپور توجہ دیں اور اس کےلئے تواتر کے ساتھ دورے کئے جائیں۔ اراکین اسمبلی سے کہا گیا ہے کہ حلقے میں عوام خصوصاً کارکنوں سے نہ صرف رابطے رکھے جائیں بلکہ ان کے دیرینہ مسائل کو بھی حل کرانے کے لئے کوشش کی جائیں ۔ اراکین اسمبلی کو کہا گیا ہے کہ ان رابطوں کے دوران مسلم لیگ (ن) کی حکومت کی طرف سے عوام کی فلاح و بہبود کےلئے اٹھائے جانے والے اقدامات سے بھی آگاہ کریں ۔