لاہور( نیوزڈیسک) جمعیت علمائے اسلام (س) کے سربراہ سربراہ مولانا سمیع الحق نے کہا ہے کہ سابق وزیراعظم یوسف رضا گیلانی کا مغوی صاحبزادہ ازبک طالبان کے پاس ہے ،یوسف رضا گیلانی اپنے بیٹے علی حیدر گیلانی کی بازیابی کے لیے متعدد بار ملے ہیں اوران کی مدد کر رہے ہیں،شہباز تاثیر کو طالبان نے خود چھوڑا انہیں کسی اور نے رہا نہیں کروایا۔لاہو رمیں میڈیا سے گفتگو کرتے ہوئے مولانا سمیع الحق نے کہا کہ حقوق نسواں بل شریعت کے منافی اور خاندانی نظام تباہ کرنے کا بل ہے، حکومت سے مطالبہ کرتا ہوں کہ بل واپس لیا جائے۔انہوں نے کہا کہ جے یو آئی (س) کے زیر اہتمام کنونشن میں بھی تمام علماءکرام نے اس بل کو واپس لینے کا مطالبہ کیا ہے ۔ انہوںنے سابق وزیراعظم یوسف رضا گیلانی کے صاحبزادے کے حوالے سے سوال کے جواب میں کہا کہ حیدر گیلانی ازبک طالبان کے پاس ہیں۔ یوسف رضا گیلانی اس سلسلہ میںمتعدد بار مجھ سے ملے ہیں اور ہم ان کی مدد کرنے کی کوشش کر رہے ہیں۔ انہوںنے شہباز تاثیر کی بازیابی کے حوالے سے سوال کے جواب میں کہا کہ انہیں طالبان نے خود چھوڑا ہے ان کی رہائی کسی آپریشن کے ذریعے ممکن نہیں ہوئی ۔