اسلام آباد(نیوزڈیسک)پیپلز پارٹی کے رہنما سابق گور نر پنجاب سلمان تاثیر کے صاحبزادے شہباز تاثیر کی مبینہ آپریشن کے ذریعے بازیابی سے متعلق انکوائری رپورٹ وزیر داخلہ کو پیش کر دی گئی جس میں انکشاف کیا گیا کہ حقائق اور شواہد سے پتہ چلتا ہے کہ شہباز تاثیر کو کسی آپریشن کے ذریعے نہیں بازیاب کرایا گیا بلکہ اغواءکاروں نے از خود اسے چھوڑا ۔رپورٹ کے مطابق یہ کہنا قبل از وقت ہے کہ شہباز تاثیر کو ایسے ہی رہا کیا گیا یا ان کی رہائی کے عوض کوئی تاوان وصول کیا گیاوزارت داخلہ کی جانب سے جاری رپورٹ کے مطابق کسی کو یہ حق نہیں پہنچتا کہ وہ اس واقعہ کو اپنی کارکردگی سے منسوب کرے اور متعلقہ افسروں کو اس سلسلے میں سخت تنبیہ کی سفارش کی گئی ۔واضح رہے کہ وزیر داخلہ چوہدری نثار علی خان نے سپیشل سیکریٹری داخلہ کی سر براہی میںایک اعلیٰ سطحی کمیٹی کو واقعہ کی انکوائری کاحکم دیتے ہوئے رپورٹ دو روز میں طلب کی تھی ۔