لاہور(نیوزڈیسک)پاکستانی خواتین پولیس اہلکاروں کیلئے ایسا حکم آگیا جس کے بارے میں کوئی سوچ بھی نہیں سکتاتھا،خواتین پولیس اہلکاروں کوشلوار قمیض یاعبایاپہن کر ڈیوٹی سر انجام دینے سے روکدیا گیا،پینٹ شرٹ کا پہننا لازمی قرار دیدیا گیا،انسپکٹرجنرل پولیس پنجاب مشتاق سکھیرا نے خواتین اہلکاروں کوعبایاپہن کر ڈیوٹی سر انجام دینے سے روکدیا ،نیلے رنگ کی شلوار قمیض کی بجائے نئی یونیفارم پینٹ شرٹ کا پہننا بھی لازمی قرار دیدیا گیا ۔ بتایا گیاہے کہ آئی جی پولیس نے اپنے حکم نامے میں کہا ہے کہ خواتین اہلکار ڈیوٹی کے دوران عبائے کا استعمال نہیں کریں گی جبکہ خواتین اہلکار نیلے رنگ کی شلوار قمیض کی بجائے نئی یونیفارم پینٹ شرٹ پہن کر ڈیوٹی سر انجام دیں گے۔ آئی جی نے کہا ہے کہ ڈیوٹی کے دوران عبایا پہننے والی خواتین اہلکاروں کے خلاف سخت کارروائی کی جائے گی ۔ ذرائع کے مطابق آئی جی کے نئے احکامات کے بعد خواتین اہلکاروں میں تشویش کی لہر دوڑ گئی ہے اور ان کا کہنا ہے کہ مسلمان ملک میں عبایا پہننے سے روکنا حیران کن ہے ۔