پشاور(نیوز ڈیسک)سوات،چترال،مانسہرہ اور گردونواح میں زلزلے کے جھٹکے محسوس کئے گئے،کسی قسم کے جانی یا مالی نقصان کی اطلاعات موصول نہیں ہو ئیں،گزشتہ24گھنٹوں کے دوران سوات کے علاقوں میں دوسری بار زلزلے کے جھٹکے محسوس کئے گئے جس کے بعد لوگ کلمہ طیبہ کا ورد کرتے ہوئے گھروں سے باہر نکل آئے۔ میڈیا رپورٹ کے مطابق سوات،چترال،دیر،مانسہرہ اور اسکے گردونواح میں زلزلے کے 4.7شدت کے جھٹکے محسوس کئے گئے،زلزلہ پیما مرکز کے مطابق زلزلے کی گہرائی196کلومیٹر تھی اور اس کا سلسلہ کوہ ہندوکش کا پہاڑی علاقہ تھا،گزشتہ شب اسی علاقوں میں 3.7شدت کے زلزلے کے جھٹکے محسوس کئے گئے تھے۔