لاہور (نیوز ڈیسک) پنجاب حکومت کے ترجمان سیدزعیم حسین قادری نے کہا ہے کہ اب وکٹ نہیںبلکہ بال سٹیڈیم سے باہر گرے گی،نوبال پر کتنی ہی زوردار اپیل کی جائے وکٹ نہیں ملا کرتی ۔ سید زعیم حسین قادری نے عمران خان کے بیان پر تبصرہ کرتے ہوئے کہا کہ عمران خان سیاست چھوڑ کر ” میرج کنسلنسٹی“ کا کام شروع کردیں ۔نام نہاد دھاندلی کے الزامات عمران خان کا مسئلہ ہےں قوم کو ان جھوٹے الزامات سے کوئی غرض نہیں ۔عوام عمران خان کی طرف سے دھاندلی کے الزامات کی حقیقت خوب جانتے ہیں ۔انہوں نے کہا کہ عمران خان کو بادشاہت کا خواب بے چین رکھتا ہے ۔اقتدار سے محرومی سے بے چین ہو کر وہ دوبارہ دھاندلی دھاندلی پکارنا شروع کردیتے ہیں ۔زعیم قادری نے کہا کہ پی ٹی آئی کا دھرنا ملک کی تاریخ کا سیاہ ترین باب ہے ۔قوم دھاندلی کے جھوٹے الزامات کی حقیقت اور دھرنے کے گھناﺅنے اسباب جان چکی ہے ۔انہوں نے کہا کہ مرنے والوں کے ووٹ صرف عمران خان کو ہی نظر آتے ہیں۔