لاہور(نیوزڈیسک)ایم ایم اے کی بحالی کی تیاریاں یا کچھ اور۔۔۔ ؟ جمعیت علمائے اسلام (س) کے سربراہ مولانا سمیع الحق نے ملک کی مجموعی صورتحال پر اہم اجلاس 13مارچ کو لاہور میں طلب کر لیا ۔ جے یو آئی (س) کے ترجمان مولانا عاصم مخدوم کے مطابق اجلاس میں حقوق نسواں بل ، ممتاز قادری کو سزائے موت سمیت ملک کی مجموعی صورتحال کو زیر بحث لانے کے لئے مذہبی جماعتوں کے سربراہان ،جید علمائے کرام ،مشائخ عظام ، سجادہ نشین، مفتیان کرام کو مدعو کیا گیا ہے ۔انہوں نے مزید بتایا کہ مولانا حامد الحق حقانی ، مولانا عبد الرﺅف فاروقی ،مولانا سید یوسف شاہ ،مولانا محمد عاصم مخدوم ،مولانا احمد علی ثانی اور دیگر نے وفد کی صورت میںسینیٹر سراج الحق،لیاقت بلوچ ، مولانا عبد المالک ،عزیز الرحمن جالندھری،مولانا اللہ وسایا،پروفیسر ساجد میر ،حافظ عبد الکریم،پروفیسر حافظ محمد سعید،مولانا محمد اویس نورانی، پیرا عجاز ہاشمی سمیت دیگر رہنماﺅں سے ملاقاتیں کر کے انہیں دعوت دیدی گئی ہے اور تمام رہنماﺅں نے اس میں شرکت کی یقین دہانی کرائی ہے۔