لندن (نیوز ڈیسک)عالمی مارکیٹ میں خام تیل میں ایک بار پھر 2016 کی بلند ترین سطح 40 ڈالر فی بیرل کی سطح کو عبور کرگیا۔ اس سے قبل خام تیل بارہ سال کی کم ترین سطح 28 ڈالر تک پہنچ گیا تھا۔لندن برینٹ کروڈ آئل مارکیٹ میں خام تیل کے کے سودے 2 ڈالر اضافے کے بعد 40.84 ڈالر جبکہ نیویارک مرکنٹائل ایکسچینج میں خام تیل کے سودے 1.9 ڈالر اضافے کے بعد 37.9 ڈالر پر پہنچ گئے۔ ماہرین کے مطابق خام تیل کی قیمتوں میں اضافہ لاطینی امریکا میں تیل کے پیداواری ممالک کی جانب سے قیمتیں بڑھانے کے باعث ہوا ہے۔ واضح رہے کہ دو ماہ پہلے خام تیل کی قیمتیں 50 فیصد کمی کے ساتھ 12 سال کی کم ترین سطح 28 ڈالر فی بیرل کی سطح پر ریکارڈ کی گئی تھیں۔

موضوعات:خام تیل